معمول أم صالح (@am_saleh11) • Instagram photos and videos
يوجد لدينا منتجات معمول ام صالح معمول قرفة تمر الكيلو25 معمول بر تمرالكيلو 25 معمول تمر الكيلو 25 معمول توفي الكيلو 25 معمول أصابع تمر بر وعايدي بالحبه السوداء الكيلو 30 معمول أصابع شوكلاته الكيلو 30 كليجا توفي الكيلو 30 كليجا دبس التمر الكيلو 30 كيك التمر بالدخن الكيلو 30 فتيت بر نخالة الكيلو 30 شابورة بالحبه السوداء الكيلو 30 كرتون المعمول 120ريال كرتون الكليجا 130ريال كرتون الحبه السوداء 130ريال كرتون الشابورة100ريال كرتون الكيك 100 ريال يوجد عضو ينصح بالتعامل. 8
الإعلان قديم وتم إزالته. بالإمكان مشاهدة الإعلانات المشابهة في الأسفل معمول منزلي يذوب بالفم كيك بالتمر و معمول أم صالح و كيك بالدخن ابو صالح للحداده والمضلات والسوااتر وجميع أعم معمول دوسري اذا ماعجبك رجعيه وخذي فلوسك آبو صالح للديكور والعوازل الصوتيه معمول دوسري فاخر معمول دوسري درجه اولى بسعر الجمله معمول واطايب ام يوسف معمول تمر طازج شغل بايدي سعودية جميع منتجات معمول ام صالح
27-10-2013, 11:47 AM عضو جديد تاريخ التسجيل: Oct 2013 المشاركات: 11 معدل تقييم المستوى: 14 للعاطلين او الموظفين شغلة بسيطه مربحة وممتعه دخل 3000 واكثر وراس مال 700 ريال السلام وعليكم ورحمة الله وبركاته عندي لكم شغلة بسيطه تقدر تطلع منها مصاريفك اليومية وشغلة مريحة وحره وبعد فيها وناسة اكثر من الشغل لأنك بتخالط الناس واذا اهتميت في الشغلة اكثر واتفرغت لها ممكن تفتح منها بيت الحالك وتصرف عليه بالراحة الشغلة اهم شي يبي لها واحد مايستحي وواحد اخلاقه زينه مع الناس طبعا الدخل راح يكون على حسب نشاطك وجهدك وفراغك وراح يتراوح الدخل اتوقع من 2500 الى 6000 انا بالنسبة لي كنت ادخل في الشهر اقل شي 6000 وكان معي اثنين عمال يشتغلون معي احطهم في اماكن ثانية غير مكاني والمكسب بالنصين وكان كل واحد تقريبا يدخل 4000 يعني له 2000 ولي 2000 يعني اخر الشهر يكون معي 10000 ريال بس طبعا انا كنت متفرغ واشتغل كل يوم طول اليوم وفي بعض الشهور يكون الشغل افضل وبعضها اقل طبعا الشغلة تنفع للي متعطل يشتغلها لين يحصل وظيفة ويمكن ربي يفتح عليه فيها ولا عاد يفكر في الوظيفة وتنفع للي متوظف بعد مايخلص وظيفته يشتغل الشغلة هذي ثلاث اربع ساعات او وقت الاجازه جمعه وسبت واحلى مافي الشغلة ماحد يقولك ليه غبت اليوم ليش تأخرت عليك خصم انت حر الشغلة هي بسطة تبسيط وبيع طبعا في اشياء كثير ممكن تبسطها وتبيعها وتترزق الله منها بس انا بسطتي عبارة عن معمول ام صالح بالكيلو معمول تمر حق مصنع ام صالح اللي ينباع بالكيلو عند المساجد وفي الاسواق المهم هذا الشغلة رهيبة جدا وفيها رزق حلو ولا هي متعبة وتقدر تطور من نفسك غير البسطه وتسوي لك كروت وتوصل للزباين بعد البسطه او تعلن في الانترنت ومع الايام ماتدري يمكن ربك يفتح عليك وتفتح محل تمور او حلويات او مكسرات او شعبيات ولا ننسا ان اكثر التجار بدأوا بساطين والبسطه والله فيها وناسه لانك بتقابل وبتتعرف على انواع الناس من زباين وبساطين وغيرهم طبعا الشغلة بسيطه جدا وما يبغا لها راس مال كبير يعني ممكن تبدأ ب 700 ريال طبعا الكرتون حق المعمول سعره 65 ريال بالجمله وفيه 5 كيلو يعني يطلع عليك الكيلو ب 13 ريال وانت تبيعه ب 20 ريال يعني بتبيع الكرتون ب 100 ريال يعني المكسب في الكرتون 35 ريال وبيروح عليك منها 5 ريال عشان الزباين يذوقون بيصفا لك في الكرتون 30 ريال وفي بعض الزباين يقولك ياخي زود كثر ويخم بيده لاتزود الا حبه او حبتين عشان مايروح المكسب طبعا انت وشطارتك ممكن تبيع في اليوم 3 كراتين 4 كراتين 5 كراتين 6 كراتين على حسب فراغك وتعبك وفي بعض الزباين ياخذ منك كرتون كامل وبعضهم يتصل عليك يقول لك وصل لي كرتونين 3 كراتين وطبعا يجي منه 4 انواع بالتمر وبالتوفي وبر بالتمر وبر بالقرفة بالتمر واكثر الزباين يقولك شكل لي عطني من كل نوع نص كيلو وللا كيلو مشكل وميزة المعمول هذا عن باقي المعاميل اللي في السوق انه يجي طازج كل اسبوع من القصيم وتجي كل حبه في كيس مغلفة ولين ولذيذ مع القهوة او غيرها والميزه الثانية انه ينباع بالكيلو ويجي الزبون يذوق ويشتري على طول عكس المعاميل اللي تجي مصكره ماتدري كيف طعمها عشان كذأ اشتهر معمول ام صالح في الرياض وعلى طول يمشي ويجيك الزبون وهو عارفه ويشتري على طول وتقدر تحط جنب المعمول كليجا يجي كرتون كليجا صغير فيه 17 حبه عليك ب 11 ريال وتبيعه ب 15 ريال فيه مكسب 4 ريال ممكن تبيع كل يوم 5 او 10 كراتين وفي بعد كليجا بالكيلو تجي صغار كل حبه في كيس الكرتون ب 65 فيه 200 حبه يعني تقريبا 4 كيلو هذي تنباع الكيلو ب 25 وفي بعد معول فاخر مغطى بالشوكلاته اسمه معمول امول طعمه روعه مره جنان الكرتون سعره جمله 135 فيه 12 علبه تبيع العلبة ب 15 ريال يعني تبيع الكرتون ب 180 مكسب 45 ريال يعني بيجي اخر اليوم وانت كاسب مبلغ زين وهذي الشغلة يزيد الشغل فيها اذا برد الجو بشكل كبير وماعاد تلحق على الزباين من كثرة الطلبات ويقل الشغل فيها فترة الصيف ورمضان طبعا فترة الصيف تقدر تغير اي شغلة الى ان يرجع يتعدل الجو نجي الحين للأماكن اللي بتبسط فيها تقدر تبسط قدام المساجد بعد الصلاة وهي افضل الاماكن اللي اشتغلت فيها لان المصلين يخرجون بسرعه وفي خلال ربع ساعه تلاقي نفسك بعت ب 200 وللا 300 طبعا المساجد تختلف فيها الكبير والصغير واللي على الشارع يكون افضل وفي بعضها تكون اجانب اكثر وبعضها سعوديين اكثر والمعمول زباينه سعوديين اكثر شي وتقدر تبسط قدام محل ابو ريالين اذا تبغى معك وقت من بعد العصر الى الساعه 12 في الليل وانت شف الوقت المناسب لك وابسط فيه وافضل شي من بعد العشاء الى الليل وتقدر تبسط قدام المطاعم اللي عليها زحمة زي مطعم الرومانسية وماما نورة وغيرها وتقدر تبسط في الاسواق الكبيرة اللي فيها بساطين زي سوق حجاب واسواق المجد وغيرها وتقدر تبسط الصباح اذا انت فاضي عند الاماكن اللي فيها مراجعين والدوائر الحكومية مثلا قدام الجوازات او مكتب العمل او الاحوال او كتابة العدل وغيرها وتقدر تبسط في الثمامة نهاية الاسبوع او معارض السيارات او اي مكان زحمة ولما تحصل لك مكان شغال وتجلس فيه كل يوم خلاص يتعود عليك الزبون ويجيك دايما نجي لكيف تبدأ البسطه اول شي تشتري لك طاولتين صغار تحصلها في محلات البلاستيك الوحده على 70 ريال تقريبا وتشتري لك ميزان سعره 40 ريال تقريبا وتحصله عند اللي يبيع المعمول وربطه اكياس ب 10 ريال عشان تحط المعمول للزبون فيها وتقدر تفصل لك لوحة صغيرة مكتوب عليها معمول ام صالح او معمول امول عشان تلفت نظر الزباين وهذي ممكن يوفرها لك محمل المعمول وتشتري في البداية 5 او 6 كراتين معمول ام صالح و 5 او 6 كراتين كليجا ابو 15 وكرتونين معمول امول يعني كله يمكن يكلفك 700 او 800 ريال ولا تخاف الشغلة مافيها خسارة كبيرة اذا ماعرفت كيف تبيع ممكن اي بساط يشتري منك الاغراض بخسارة بسيطه وتشيل اغراضك وتتوكل على الله وتروح ترتبها في المكان اللي بتبسط فيه وتبدأ تبيع طبعا اهم شي لازم اذا مر من قدامك زبون تتكلم وتقول قرب ياولد لا تستحي قل معمول تمر لين وجديد اتفضل ذق مجانا وزي ذا الكلمات اللي تجذب الزبون موب تقعد ساكت زي السبيكة والبساطين الثانيين يصوتون ويبيعون لا الشغلة هذي مايبي لها حيا طبعا بتصادفك مواقف كثيرة وانت باسط بعض الزباين ملاقيف ممكن تختلف انت وياه ويقول كلام بايخ زي بجيب لك البلدية وللا انتو مخالفين انصحك هذي الاشكال لاترد علها ابدا وقل له الله يسامحك حتى لو انت في موضع قوة لانك قاعد في مكان تترزق الله فيه وتكد على عيالك وماتبغى تخرب على نفسك واي مشكلة مع الزباين هم ماهم خسرانين لان ماعندهم لا بسطه ولا شي طبعا اللي زي كذا قليل وللا والله اغلب الزباين يجلس يدعي لك الله يرزقكم الله يوفقكم حنا نشجع الشباب السعودي ومن ذا الكلام بالنسبة للبلدية او الشرطة اذا جاتك اذا كنت سعودي لا تخاف ابدا بس اسمع نصيحتي اسمع نصيحة بساط اكثر من عشرين سنه خبرة في البسطات اذا قالك راعي البلدية او الشرطه لو سمحت عزل البيع هنا ممنوع قل له بكل ادب ياخي انا عاطل واكد على اسرة ومن ذا الكلام واذا ما رضى قل له ابشر حاضر تحت امرك وعزل وامش واذا راح ارجع بعد شوي وابسط ثاني مره واذا طلب اثباتك وره اثباتك عشان يدري انك سعودي طبعا اغلب حقين البلديه اذا عرف انك سعودي يخليك تترزق الله بس يجيك في السنه واحد وللا اثنين نادرا واذا عاندته وقلت والله ما اعزل انا سعودي سو اللي في راسك ومن ذا الكلام خلاص بيستقعد لك وبيتصل بالاداره حقته وبيجون كم سيارة وبيخربون عليك المكان واذا ماسوا شي في نفس اليوم بيستقعد لك الايام الجايه كل يومين ثلاث بيجي لكن لو عزلت قدامه وقلت له ابشر بيروح على طول وحتى لو رجع ثاني مره وشافك بيتغاضى عنك وبتشوف بعض البساطين غير سعوديين يبيعون نفس بضاعتك او بضاعه ثانيه نصيحه لا تضايقهم وتستعمل قوتك عشان ربي يوفقك ولا يسلط عليك اللي اقوى منك ونجي الحين للمكان اللي بتشتري منه المعمول المشكله ان هذا المنتدى مانع ان نضع اي رقم جوال وللا كان حطيت رقم الجوال وسهلت عليكم المهمة وصف المستودع اللي يبيع المعمول الرياض الدايري الجنوبي مخرج 19 د جنوب كنك رايح الخرج بتجيك اول اشارة حق مصنع الاسمنت تتعداها بيجيك على يمينك محلات رخام اخر محل اسمه نوادر الرخام بعد الاشارة ب 200 متر تلف بعد محل نوادر الرخام يمين وتمشي 500 متر تقريبا يجي المحل على اليمين بعد المدرسة مباشرة عليه لوحه صغيرة اسمها وردة الأغذية وصورة معمول الوصف واضح وبسيط وطبعا المرات الثانية اذا ماتقدر تجي بيوصل لك راعي المعمول البضاعه الى عند بيتك واذا كنت مستعجل تعال المستودع وخذ اغراضك واذا لقيت اي واحد يبيع المعمول تقدر تسأله كم رقم الموزع او تاخذ الرقم اللي على الكرتون في كم واحد يبيع عند مسجد الراجحي الكبير اللي في مخرج 15 او تقدر تبحث في القوقل تكتب معمول ام صالح بالكيلو بحط الرقم في المواقع اللي تسمح بوضع الرقم بالنسبة اللي حاب يشتغل الشغلة هذي وهو خارج الرياض نوصل له المعمول عبر الزاجل او الصاعدي على حسابه بعد مايحول الفلوس طبعا يكلف الشحن كل كرتون 5 ريال الى 10 ريال على حسب المدينه واللي خارج الرياض يقدرون يبيعون الكيلو ب 25 عشان حق النقل مع تمنياتي لكم بالتوفيق والرزق الحلال 27-10-2013, 12:17 PM وقت دوام المستودع من الساعه 10 الصباح الى 2 الظهر ومن بعد صلاة العصر الى 10 ونص في الليل والافضل انك تروح لهم من بعد العصر او تتصل قبل ماتروح 27-10-2013, 12:46 PM عضو متواصل تاريخ التسجيل: Jun 2011 المشاركات: 74 معدل تقييم المستوى: 18 وعليكم السلام يعطيك العافيه اخوي طيب بلقصيم وبتحديد بعنيزه ماتعرف وين تنباع بضبط 27-10-2013, 02:35 PM اقتباس: المشاركة الأصلية كتبت بواسطة باريس نجد عنيزه هلا فيك ياغالي المنتج هذا يصنع في القصيم بس ماينباع بهذي الطريق طريقة الكيلو الا في الرياض وباقي المدن عن طريق الشحن اما في القصيم تلقاه على شكل علب بلاستيك مدورة طويلة وهذي بيعها يكون صعب على البساطين وبتلقى على العلبة رقم جوال خله يعطيك رقم موزع المعمول بالكيلو في الرياض قل له رقم رمزي الشباب اللي ناويين يبسطون نسيت لا اقول لكم اهم شي صلاة الجمعة يكون البيع فيها اكثر شي لزحمة الناس واللي حاب يجرب البسطه يبدأ بصلاة الجمعه أول شي عشان يتشجع اذا شاف الشغل زين وصدقوني اللي يبغا يدخل عالم التجارة يبدأ من البسطه عشان يتخالط مع الناس ويشوف كيف الناس قاعده تشتغل وهو نايم ابو ريان 27-10-2013, 03:46 PM تاريخ التسجيل: May 2013 المشاركات: 107 معدل تقييم المستوى: 15 بس الحريم صعبه عليهم 27-10-2013, 11:28 PM منتج ام صالح لصاحبه الصقعبي واعتقد ان المصنع في بريدة المدينة الصناعية ويوجد بعنيزة مصنع سنابل رغد الا يحب يتفرج على المعرض الا بالرياض والتحديد حي الروابي شارع ال***ر بن العوام قبل اشارة مطعم الرومانسية وبعدين يتفق معهم بخصوص شراء الجمله والله يوفق 28-10-2013, 12:47 AM اخ معمول الله يمتعك بالصحة والعافية ويطول بعمرك وينعم عليك ياااارب 28-10-2013, 03:25 AM تاريخ التسجيل: Nov 2009 المشاركات: 64 معدل تقييم المستوى: 22 28-10-2013, 08:18 AM المشاركة الأصلية كتبت بواسطة هدوء إنسانه صدقتي الحريم صعبة عليهم الا عن طريق الاعلان في الانترنت وتوزيع رقمك بس كيف بتوصلين طلبات الزباين اذا عندك طريقة فالشغلة ناجحة بقوة ﻷن مافي حرمة قد اشتغلتها 28-10-2013, 08:25 AM المشاركة الأصلية كتبت بواسطة مخاوي العبرة هذا المعمول بيعه بيكون صعب على البساطين في العلب ماهو زي طريقة الكيلو يجي الزبون ويقول شكل لي او زود من ذا ونقص من ذا ويذوق شوي يعني طريقة مرنه وتمشي المعمول بسرعه والسعر ارخص من العلب والمصنع مايبيع الا علب توزيع المعمول بالكيلو من عندنا في الرياض اتمنى اي واحد يجرب البسطه من هنا ويكتب تجربته للشباب اللي هنا عشان يشوفون كيف نجاح البسطه الله يوفق الجميع لما يحب ويرضى
المعمول الكرتون فيه 5 كيلو ب 100 ريال الأنواع معمول تمر عايدي معمول تمر بر معمول تمر بر بالقرفة معمول توفي عايدي _________ الكليجا الكرتون فيه 5 كيلو ب 95 ريال كليجا دبس كليجا توفي فتيت بزيت الزيتون والعسل شابورة كيك الكرتون فيه 3 كيلو ب 60 ريال عايدي بر ________ معمول الشوكولاته الكرتون ب 100 ريال فيه 5 كيلو الانواع معمول تمر مغطى بالشوكولاته معمول توفي مغطى بالشوكولاته ( جالكسي) كيك التمر الفاخرات الكرتون ب85ريال فيه 3 كيلو بالدخن معمول اصابع تمر الكرتون فيه 5 كيلو ب 80 ريال بر بالحبة السوداء واليانسون ويفر مغطى بالشوكلاته ومحشي بكريمة البندق الكرتون ب 85 ريال فيه 5 كيلو أكثر من 500 حبة قرمشني مقرمشات ذرة محشية بالشوكولاته الكرتون ب 70 ريال فيه 18 كيس _______ يوجد لدينا توصيل حسب الموقع يوجد لدينا توصيل لجميع مناطق المملكة 4
» للبيع معمول ام صالح بالكمية و التوصيل قبل 4 سنه و 4 شهر آخر تحديث قبل 2 أسبوع #10925132 معمول ام صالح لذيذ جدا وطري وحشوه ممتازه و مذاق طيب بعدة حشوات (التمر - التوفي - القرفة)بالكمية و التوصيل في الرياض لعدد 5 كرتون وما فوق الكرتون فيه 5 كيلو سعره 95 ريال 15 ›› قبل 4 سنه و 3 شهر الكيلو ينبع ب 20 ريال عند البساطين حق المساجد وفيه 22 وفيه 25 قبل 4 سنه و شهر السلام عليكم يوجد شحن خارج الرياض قبل 3 سنه و 3 شهر ابي خمسه كيلو كيف التواصل معك؟ قبل 3 سنه احتاج كرتون وين اقدر اجيك اخذه انا بالرياض قبل 2 سنه و 3 شهر ابي كرتون لا هنت قبل سنه و 9 شهر السلام عليكم ممكن رقم فرع أو مندوب لكم في جدة قبل 6 شهر و 2 أسبوع السلام عليكم ورحمة الله ممكن رقم المندوب بجده قبل شهر و أسبوع ابي كرتون